شن النائب فريدي البياضي، هجوما لاذعا علي وزير النقل كامل الوزير، معربا عن تذمره الشديد من الإحصاءات التي أوردها الوزير حول معدل الدين وحساب سعر الجنيه.
وواصل حديثه الموجه لوزير النقل المصري، غرقتونا وخنقتونا احنا واللي خلفونا واللي خلفناهم واللي هايخلفوهم، مشيرا الي ان الوزير يقول أرقام ونسب بأن نسبة الدين في تحسن، قائلا “يا إما أرقامك وهمية يا وزير وأنا متأكد من كدا لأن الـ 87% دول مش حاطط فيهم 24% ديون الهيئات الاقتصادية، وحاسب سعر الدولار علي 18 جنيه، يا إما لو انت صح يبقي احنا اللي واهمين، والمواطن اللي بيعاني كل يوم وبيصرخ دا مواطن مش حقيقي، إحنا بنتكلم علي اجمالي ديون تعدت 10 تريليون وتجاوزت إجمالي الناتج المحلي وفوائد ديون بتاكل نصف المصروفات”.
وتابع البياضي حديثه قائلا “كفاية انتهاك للدستور، حرام عليكم انتم أقسمتم علي احترامه، النسب اللي حددها الدستور للتعليم والصحة في 2014 واللي مفروض تزيد كل سنة، الحكومة ما بتصرفش ربع النسب دي، الوطن لن ينصلح حاله إلا لما تعرفوا أهمية وأولوية التعليم والصحة، وتعرفوا إن الحل في الاستثمار في البشر مش في الحجر”.
وختم البرلماني حديثه قائلا “كفاية علي الحكومة، احنا قدام حكومة لا تحكم، ولا تستطيع أن تحكم، حكومة أفقرت كل طبقات الشعب بلا استثناء، من 3 سنين تحت قبة المجلس طالبت وحدي بإقالة الحكومة، واليوم مع كثير من النواب ومع جموع الشعب نصرخ كفاية كفاية كفاية”.
التعليقات متوقفه