صفوت يوسف
تعودت الموضوعية والانحياز دوما لمن يبني مجتمع وليس لمن يحتال عليه ويجرفه وبهدمه ويخربه تحت ساتر شعارات رنانة وجمل عبقريه وثقافه إلهاءيه .. اعلانات بالملايين ومسلسلات بالملايين وبرامج مسفه هابطه بالملايين والنتيجة ” القهاوي والشوارع والسلوكيات المتدنية وانفجارات السوشيال بوجوه غريبه وافكار اغرب تحت دعاوي الحرية وهناك من يخرج للدفاع عما يحدث ” مسلسلات رمضان اجد اراء غريبه وناس مثقفه تشيد بأعمال مخربه ونقاد يشيدون بمسلسلات اقل ما فيها الاجرام في حق المجتمع ” مفيش حاجه اسمها مشهد حلو او ادي دور حلو او ممثله كانت كويسه في مسلسل واقع .. تجرعنا المرار من قبل في اعمال هابطه زي نسل الاغراب وغيره طبعا .. المسلسل هو عمل جماعي يبدأ بالنص وللأسف جميع المسلسلات مفيهاش ورق اي نص جيد كله ترقيع او تجميع او يتكتب المسلسل اثناء التصوير لدرجه احيانا في مسلسلات ميعرفوش نهايتها ايه ..طالعين بمحمد رمضان السما بمسلسل جعفر العمدة والمخرج محمد سامي وهو مسلسل مهين للمرأة ومستفز واستعراض رخيص يفتقد الاحترام لقيمه المرأة التي يصنع منها جاريه وشغل استهبال في تجمعيه من المسلسلات والافلام زي عنتر شايل سيفه والحاج متولي وزهره وازواجها الخمسه ..انتم عاوزين توصلوا رساله ايه ؟؟ وتخدم مين وتعلموا الاجيال ايه ان جعفر هو نموذج للراجل الذي لا يقهر ويخضع الكل له.. مفيش مسلسل نقيسه بعدد من المشاهد كويسه حسب ما يدعيه الأكثرية.. ندخل علي مسلسل نادرة الذي يدور في اجواء الصعيد وانا لا اعلم اي صعيد هذا واي نجع هذا ؟؟نسيبنا شويه من التصوير والاستعراض مع نص ضعيف وحشر احداث ملفقه ” سمك لبن تمر هندي ” شخصيات غريبه وبناء درامي ساذج وخاصة شخصيه دميانه والاب الكاهن اللي محدش في النجع غيرهم بيروحوا الكنيسة..من حسنات هذا المسلسل هو عوده احمد عيد في دور مهم ليه .. اما المسلسل كله مبالغات قديمة ونص مهلهل .. رشيد لمحمد ممدوح اولي الحلقات كانت جيده ولكن بعد الحلقة الرابعة فقد المسلسل قدرته وهبط الاداء بشده ومبالغات غير منطقيه واستسهال شديد في التصوير وكأن فريق العمل استنفذ كل قدراته في الحلقات الاولي.. اما مسلسل بابا المجال والاجهر استكمال لملوك الجدعنه ومزيد من الاسفاف والتخريب المتعمد واعلاء القدوة للحراميه واللصوص وتجار الاثار والسلاح.. اما الكبير اوي افلاس شديد وملل واداء مربوحه سئ جدا واحداثه مكرره ” سيبك بقي من بعض المشاهد والايفاهات اللي الناس طالعه بيها السما .. اما خيانه مشروعه لياسر جلال سيء جدا ومني عمر كفاياها تمثيل هي مش موهوبه لا مع محمد سامي زوجها او غيره وياسر جلال من اسوأ ادواره.
..اما كارثه مسلسل ضرب نار والتقليد البشع لاحمد ذكي فعلا كارثه .. عندنا مشاكل كبيره في النصوص والدراما هذا العام ” ومش عارف الناس بتشكر المتحده علي ايه ” مستحيل شركة تبني مجتمع ..ليس معني ان في شله وفيه مجاملات ولجان الكترونيه ان نجامل علي حساب الحق ونمارس ادوار الهدم المجتمعي .. من الاخر الله يرحم اسامه انور عكاشه زيزنييا والنوه والرايا البيضا وليالي الحلمية ومحمد جلال عبد القوي المال والبنون وسوق العصر وصالح مرسي رأفت الهجان ندخل بقي علي
اهم استنتاجات مسلسلات رمضان:
- عاوز تعرف مشاكل اول كام سنة جواز، شوف الهرشة السابعة.
- عاوز تعرف مشاكل الجواز باكتر من واحدة، شوف جعفر العمدة.
- عاوز تعرف مشاكل الجواز بعد ١٥ سنة، شوف مذكرات زوج.
- عاوز تعرف مشاكل الجواز لما تعيش مع مراتك بره مصر، شوف ١٠٠٠ حمدالله ع السلامة.
- عاوز تعرف مشاكل الجواز من واحده يتيمه عندها أخوات صغيرين، شوف ضرب نار.
- عاوز تعرف مشاكل الجواز من مديرة مكتبك، شوف علاقة مشروعة.
- عاوز تعرف مشاكل الجواز بواحده عندها عيال، شوف كامل العدد.
اما مسلسلات تغيير جو وتحت الوصاية والمداح والصفارة لنا عنهم كلام اخر .
التعليقات متوقفه